මෛත්‍රී - රනිල් පාලනය
හොරුන් ආරක්‍ෂා කළා
- විජිත හේරත් චෝදනා කරයි
සිරිමන්ත රත්නසේකර
හොරුන්ට දඬුවම් දීමට බලයට පැමිණි මෛත්‍රී - රනිල් පාලනය
හොරු රැකීමට කටයුතු කළ බව ජනතා විමුක්‌ති පෙරමුණේ ප්‍රචාරක
ලේකම් විජිත හේරත් මහතා ඊයේ (30 වැනිදා) චෝදනා කර සිටියේය.
එපමණක්‌ නොව මෙම ආණ්‌ඩුව ජනවරමටද පිටුපා කටයුතු කළ බවත්
ජාතික අවශ්‍යතා පිළිබඳ කිසිදු සැලකිල්ලක්‌ නොදැක්‌වූ බවත්
ඒ මහතා සඳහන් කළේය.
ජනාධිපති මෛත්‍රීපාල සිරිසේන මහතා රටත් ජනතාවත් අමතක කර
ශ්‍රී ලංකා නිදහස්‌ පක්‍ෂය බදාගෙන එහි බලය රැකගැනීම
වෙනුවෙන් කටයුතු කළ හෙයින් රට ආපස්‌සට ගිය බවත් විජිත
හේරත් මහතා කියා සිටියේය.
පසුගිය රජය ගෙන ගිය දූෂිත වංචාකාරී දේශපාලන සංස්‌කෘතියට
එරෙහිවත්, එජාප හවුල් ආණ්‌ඩුව පසුගිය මාස හය තුළ ගෙන ගිය
දේශපාලන සංස්‌කෘතියට එරෙහිව විකල්ප වැඩපිළිවෙළක්‌ සහිතව
ජනතා විමුක්‌ති පෙරමුණ මෙවර මහ මැතිවරණයට ඉදිරිපත් වන බව ද
විජිත හේරත් මහතා පැවසීය.
හොරුන් සමඟ හෙළුවෙන් සිටින්නේද? නැද්ද යන තීරණය ජනාධිපති
මෛත්‍රීපාල සිරිසේන මහතා සතු බවත් හෙතෙම පැවසීය.
විජිත හේරත් මහතා ඊයේ (30 වැනිදා) එම අදහස්‌ පළ කළේ
පැලවත්ත බත්තරමුල්ලේ ජනතා විමුක්‌ති පෙරමුණ මූලස්‌ථානයේ
පැවති මාධ්‍ය හමුවකදීය.
No comments:
Post a Comment