Tuesday, June 30, 2015
හමුදාවෙන් උ/නැ ඉදිකළ හෝටල් කොටි හිතවාදීන්ට විකිණීමේ කුමන්ත්‍රණයක්‌
හමුදාවෙන් උ/නැ ඉදිකළ හෝටල්
කොටි හිතවාදීන්ට විකිණීමේ කුමන්ත්‍රණයක්‌
- ගලගොඩඅත්තේ ඥනසාර හිමි
ජයසූරිය උඩුකුඹුර
උතුරු නැගෙනහිර පළාතේ ආරක්‍ෂාව බිඳවැටී ඇති බව ද දැනට එම පළාතේ හමුදා බලඇණි විසින් ඉදිකර ඇති අවන්හල් සහ හෝටල් ලබන දෙසැම්බර් 20 ට පෙර ඩොලර් මිලයන 300 කට කොටි හිතවාදී ව්‍යාපාරිකයන්ට විsකුණා දැමීමේ කුමන්ත්‍රණයක්‌ ක්‍රියාත්මක වන බව ද බොදුබල සේනා සංවිධානයේ ප්‍රධාන ලේකම් ගලගොඩඅත්තේ ඥනසාර හිමියෝ හෙළි කළහ.
දැනට ශ්‍රී ලංකාවට පැමිණ සිටින මොසාඩ් සී අයිස්‌ හා රෝ සංවිධානවල නියෝජිතයන් රටේ පාලකයන් ඉතා සූක්‍ෂ්ම අයුරින් මෙහෙයවන බව ද එමගින් රට තුළ ජාතික ආරක්‍ෂාව බිඳවැටී ඇති බව ද උන්වහන්සේ පෙන්වා දෙති.
රණවිරුවකු වූ හසලක ගාමිණී පිස්‌සෙක්‌ කියන තරමට අප රටේ ගුණධර්ම පිරිහීමට පටන්ගෙන ඇති බව ද ඒවා ඉබේ සිදුවන්නක්‌ නොව සැලසුම් සහගතව සිදුකරගෙන යන ජාත්‍යන්තර කුමන්ත්‍රණවල ප්‍රතිඵල බව ද උන්වහන්සේ අවධාරණය කරති.
වත්මන් රජයේ ප්‍රබල ඇමැතිවරයකු මෙන්ම ප්‍රබල දේශපාලන පක්‍ෂයක ප්‍රබල තනතුරක්‌ දරන්නකු අන්‍යාගමිකකරණයට උදව් කරන බවත් මේ වන විට විදේශිකයන් විශාල ප්‍රමාණයක්‌ රට තුළ ගැවසෙන බවත් ඔවුන් කවුද මොනවද කරන්නේ යන්න පිළිබඳව කිසිවකු සොයා නොබලන බවත් උන්වහන්සේ පැවසූහ. තමන් වහන්සේ මේ කරන ප්‍රකාශ බොරු යෑයි ඔප්පු කිරීමට කිසිවකු ඉදිරිපත් වන්නේ නම් සියලු කරුණු සාක්‍ෂි සහිතව ඔප්පු කිරීමට සූදානම් බව ද ඥනසාර හිමියෝ පැවසූහ.
බොදුබල සේනා මූලස්‌ථානයේ පැවැති ප්‍රවෘත්ති සාකච්ඡාවකදී උන්වහන්සේ මේ කරුණු අනාවරණය කළහ.
Subscribe to:
Post Comments (Atom)
No comments:
Post a Comment