පොරොන්දු මල්ල දිනවන්නක්‌ නොවේ
- අතුරලියේ රතනහිමි
සිරිමන්ත රත්නසේකර, ඡායාරූපය-ක්‍රිෂාන් කාරියවසම්
සිරිමන්ත රත්නසේකර
ඉදිරි මහ මැතිවරණයේදී ඇත්තේ ප්‍රතිපත්ති දිනවන තරගයක්‌ මිස පොහොර මිල, බඩු මිල අඩු කරන ජනප්‍රිය පොරොන්දු මල්ල දිනවීමේ තරගයක්‌ නොවන බව පිවිතුරු හෙටක්‌ උදෙසා ජාතික සභාවේ සභාපති අතුරලියේ රතන හිමියෝ සඳහන් කළහ.
පිවිතුරු හෙටක්‌ ජාතික සභාවේ සභාපති අතුරලියේ රතන හිමියෝ ඊයේ (30 වැනිදා) එම අදහස්‌ පළ කළේ කොළඹ නිදහස්‌ චතුරස්‍රයේ පිහිටි පදනම් ආයතනයේ පැවැති මාධ්‍ය හමුවකදී අදහස්‌ දක්‌වමිනි.
මෙහිදී වැඩිදුරටත් අදහස්‌ දැක්‌වූ අතුරලියේ රතන හිමියෝ මෙසේද පැවැසූහ.
19 වැනි ව්‍යවස්‌ථා සංශෝධනය සම්මත කර ගත්තා හැර අප බලාපොරොත්තු වන වැදගත් දේශපාලන ප්‍රතිසංස්‌කරණ බොහෝමයක්‌ අපට පසුගිය පාර්ලිමේන්තුවෙන් කර ගැනීමට නොහැකි වුණා. තොරතුරු දැන ගැනීමේ, විගණනපනත්, මන්ත්‍රී ආචාර ධර්ම පද්ධතිය, 20 වැනි ව්‍යවස්‌ථා සංශෝධනය කර ගැනීමට අපට නොහැකි වුණා. මෙය ඉතා කනගාටුදායක තත්ත්වයක්‌.
පාර්ලිමේන්තුව තුළ තිබූ ඒකමතික බව බිඳවැටිම, එක අරමුණක සිට කටයුතු නොකිරීම මෙම තත්ත්වයට හේතුවුණා. දින සියයකට බලය ගත් පාර්ලිමේන්තුව අවසානයේ මාස හයක්‌ වෙනකම් ඇදගෙන යන්න සිදුවුණේ මේ නිසයි. මේ තුළ රටේ ස්‌ථාවරභාවය ගැන ජනයා තුළ අවිශ්වාසයක්‌ ඇතිවුණා. ජනාධිපතිවරයාට පාර්ලිමේන්තුව විසුරුවා හරින්න සිදුවුණේ මේ නිසයි.
පිවිතුරු හෙටක්‌ ජාතික සභාව මෙම මැතිවරණයේදී සහය දෙන්නේ අප ඉදිරිපත් කරන ප්‍රතිපත්තිවලට එකඟවීම සහ එම පක්‍ෂ සමග සිටින බලවේග කුමක්‌ද යන්න කාරණය මතයි. අප එම පක්‍ෂවලට මූලික කරුණු දහයකින් සමන්විත ප්‍රතිපත්ති ප්‍රකාශනයක්‌ නොබෝ දිනකින් ඉදිරිපත් කිරීමට කටයුතු කරනවා.
විගණන පනත, තොරතුරු දැනගැනීමේ පනත, ජාතික ප්‍රතිපත්ති සභාව මාස හයක්‌ තුළ ස්‌ථාපිත කිරීම අනිවාර්යයි අපගේ මීළඟ අදියරට යොමු වීමේ ප්‍රධාන කාර්යය ප්‍රතිපත්තියයි. අප ඉදිරිපත් කරන ප්‍රතිපත්ති සමාජ ගත කිරීමට කටයුතු කරනවා.
දැන් ඉදිරියට තියෙන්නේ ප්‍රතිපත්ති දිනවන තරගයක්‌ මිස බඩු මිල, පොහොර මිල අඩුකරන ජනප්‍රිය පොරොන්දුමල්ල දිනවීමේ තරගයක්‌ නොවෙයි. අපට අපගේ තීරණය ලබන සිකුරාදා වන විට ලබාදෙන්න හැකි වෙනවා. සන්ධාන ගත වනවාද නැද්ද යන්න මේ සියල්ල තීරණය වන්නේ ප්‍රතිපත්ති පිළිගැනීම මතයි. අපට පුද්ගලයන් අදාළ නැහැ.
මෙහිදී මාධ්‍යවේදීන් නැඟූ ප්‍රශ්න කිහිපයකට පිළිතුරු දුන් පූජ්‍ය අතුරලියේ රතන හිමි මෙසේද පැවැසූහ.
ප්‍රශ්නය(- ජනාධිපති මෛත්‍රීපාල සිරිසේන මහතා හිටපු ජනාධිපති මහින්ද රාජපක්‍ෂ මහතා සමග සන්ධානගතව මහ මැතිවරණයට ඉදිරිපත් වුවහොත්.
පිළිතුර(- ඕක තමයි ප්‍රශ්නේ. අප කල්පනා කරන්නේ වංචා, දූෂණ වළක්‌වන්නේ කෙසේද කියලයි. අපි උත්සහ කළේ හිටපු ජනාධිපති මාර්ගයෙන් ප්‍රතිපත්ති ක්‍රියාත්මක කරවා ගැනීමට මිස ඔහු පරාජය කරන්න නොවෙයි. හොර තක්‌කඩි එක්‌ක ඔහු ඡන්දයට එනවා නම් අපට කිසිම සන්ධානගතවීමකට යන්න බැහැ.
ප්‍රශ්නය(- හිටපු ජනපති සමග සිටින කණ්‌ඩායම සමග ගොස්‌ වංචා දූෂණ පිටුදැකිය හැකි යෑයි ඔබවහන්සේ සිතනවාද?
පිළිතුර(- ඒක එන විදිහ අනුවයි තීරණය කරන්න වෙන්නේ.
ප්‍රශ්නය(- හිටපු ජනාධිපතිවරයා නැවත දේශපාලනයට ගෙන ඒමට ජනාධිපති මෛත්‍රීපාල සිරිසේන මහතා කටයුතු කළොත් එය ඔහුට ඡන්දය දුන් ලක්‍ෂ 62 ක ජනතාවට ෙද්‍රdaහීවීමක්‌ නොවේද?
පිළිතුර(- සමාජය තුළ එහෙම ප්‍රශ්නයක්‌ තිබෙනවා කියා මම හිතනවා. ඡන්දය දිනන්න ඕනෑ. නමුත් කොහොමහරි දිනලා වැඩක්‌ නැහැ.
ප්‍රශ්නය(- රටද පක්‍ෂයද යන්න මෛත්‍රීපාල ජනාධිපතිවරයා තීරණය කළ යුතු බව ඇමැති අර්ජුන රණතුංග මහතා පවසා තිබුණා.
පිළිතුර(- පරණ පාරේම යනව නම් අපටත් එම පාරේ යන්න බැහැ.
ප්‍රශ්නය(- පරණ ජනාධිපතිවරයාට නාමයෝජනා දෙනවද නැද්ද කියා ඔබ වහන්සේ දන්නවද?
පිළිතුර(- ඒ ගැන මම දන්නේ නැහැ. එය තීරණය වන්නේ ශ්‍රී ලංකා නිදහස්‌ පක්‍ෂයටයි.
ප්‍රශ්නය(- මෛත්‍රීපාල සිරිසේන මහතා මහින්ද රාජපක්‍ෂ මහතා අතහැර වෙනමම මැතිවරණයට අවතීර්ණ වුවහොත්.
පිළිතුර(- අප දැනට දේශපාලනය කරන්නේ මෛත්‍රීපාල ජනාධිපතිවරයා සමගයි. නමුත් එය ඉදිරියට තීරණය කරලා නැහැ. එජාපයේ හැසිරීමත් විවෘතයි. දැන් තියෙන්නේ ගන්ධබ්බ අවස්‌ථාවයි.
ප්‍රශ්නය(- ප්‍රතිපත්ති එජාපය පිළිගත්තොත් එම පක්‍ෂය සමග ඉදිරියට යනවද?
පිළිතුර(- එය පමණක්‌ මදි. එම පක්‍ෂය සමග එන බලවේග කුමක්‌ද යන්න ඉතා වැදගත්. එය ශ්‍රීලනිපක්‍ෂයටත් එය අදාළයි.
ප්‍රශ්නය(- නව ජනාධිපතිවරයකු නිර්මාණය කිරීමට හවුල් වූ ඔබ සංවිධානයේ ප්‍රතිපත්ති එම ජනාධිපතිවරයා ප්‍රමුඛ රජය යටතේ ක්‍රියාත්මක කරවා ගැනීමට නොහැකි නම් නව පාර්ලිමේන්තුවකින් එම ප්‍රතිපත්ති ක්‍රියාත්මක කරවා ගැනීම පිළිබඳ විශ්වාසය තැබිය හැක්‌කේ කෙසේද?
පිළිතුර(- අප ජනාධිපතිවරයෙක්‌ නිර්මාණය කලාට පාර්ලිමේන්තුවක්‌ නිර්මාණය කළේ නැහැනේ. හිටපු පාර්ලිමේන්තුව කටයුතු කළේ බලය අතහැරීමට පමණයි
No comments:
Post a Comment